´n Woestynblom se paradys

Namakwaland is ´n semi-woestyngebied - ´n harde, droë landstreek. Die oneindige vlaktes lyk té onherbergsaam vir enigiets om daar te wil groei. Sukkulente skyn die enigste oorlewendes te wees. Maar kom die lente en dit reën betyds, word die gebied omgetower in´n feetjieland. Woestynblomme net waar die oog kan sien. Vir´n rukkie kraai die blomme koning onder ´n ongenadige son en skroeiende winde. Dis egter´n kortstondige skoonheid en die bron van vele Namastories.

Gepubliseer: 2008